G-bletturinn er gælunafn á Grafenbergs blettinum, sem er nefndur eftir manninum sem tók eftir mikilvægi hans á sjötta áratugnum. G-bletturinn í konum er hliðstæða blöðruhálskyrtilsins í karlmönnum, þó að blöðruhálskyrtillinn virðist töluvert auðveldari viðfangs. G-bletturinn er kyrtill sem er staðsettur aftan við lífbeinið í kringum þvagrásina. Það er hægt að nudda hann eða örva með því að fara með tvo putta u.þ.b. fimm sentimetra inn í leggöngin og þreifa á efri hluta þeirra. Ef konan er þegar orðin æst ætti örvun G-blettsins að leiða til mikillar fullnægingar, af betri gæðum heldur en fullnæging einungis með örvun snípsins. Örvun blettsins getur vakið upp alls kyns tilfinningar, óþægindi, konunni gæti fundist hún þurfa að pissa nú eða vellíðan en það virðist nú eftirsóttast. Ef vel er strokið ætti bletturinn að fara að bólgna örlítið upp og þá fer þetta að verða mjög gott fyrir hana. Líkt og blöðruhálskyrtillinn getur G-bletturinn framleitt vökva sem gæti losnað um við fullnægingu, hann gæti jafnvel sprautast nokkra sentimetra, þaðan kemur tilfinningin hjá sumum konum að þeim finnist þær þurfa að pissa. Til samanburðar er blöðruhálskyrtillinn í karlmönnum líka aftan við lífbeinið og í kringum þvagrásina, en það er eiginlega allt og sumt sem þessir tveir kyrtlar eiga sameiginlegt. Það er hægt að ná til blöðruhálskyrtilsins í gegnum endaþarm, örvun blöðruhálkyrtilsins leyðir til ákafrar fullnægingar hjá karlmönnum. Blöðruhálskyrtillinn sér um að framleiða flesta vökva fyrir sæðið fyrir utan sáðfrumurnar sjálfar. Fyrir þá sem hafa aldrei augum litið kynfæri kvenna og eru áhyggjufullir, langar mig að benda á að, nema þær séu orðnar örvaðar, eru kynfæri kvenna frekar óaðgengileg, snípurinn felur sig bak við hettuna sína, barmarnir halda sig þétt saman og það er mjög líklegt að ef eigandinn er standandi og óörvuð að það eina sem þú sjáir sé smá hár og ytri barmarnir. Menn sem hafa þekkingu sína eingöngu úr myndaþáttum úr Playboy nú eða auðvitað beibum vikunnar gætu orðið undrandi þegar þeir komast að því að það er meira hér heldur en bara hola. Það var í fyrstu haldið að einu staðirnir sem að veittu konum unað væru barmarnir, op legganganna og sérstaklega snípurinn. Það var haldið að leggöngin sjálf væru svo til ónæm fyrir kynörvun. Einn af þessum gömlu körlum sem að eyddu starfsævi sinni með nefið ofan í einkamálum annars fólks (sem betur fer) var maður að nafni Grafenberg, Dr. G. Hann var með kenningu um að það væri svæði í leggöngunum, sem hann kallaði að sjálfsögðu Grafenberg blettinn, sem væri ekki engöngu næmt fyrir kynferðislegri örvun heldur gæti leitt til mun betri fullnægingar heldur en snípurinn og untanályggjandi hlutarnir gætu leitt til einir og sér. Eina vandamálið var það fundu ekki allir þennan blessaða blett, sem hannn sagði vera hliðstæðu blöðruhálskyrtilsins, og þeir sem fundu hann líkaði kannski ekki alltof vel við hann, þannig að þarna voru komnar mótsagnir við kenningu hans sem að fjölmiðlar voru mjög duglegir að dreifa til almennings. Fjöldi fólks sem fann blettinn líkaði þó mjög vel við hann og fundu að lokum út leyndardóma hans. Á síðustu árum hefur komið út töluverður fjöldi bóka um G-blettinn og kenning Grafenbergs er almennt viðurkennd. Leyndardómurinn er í stuttu máli þessi: G-bletturinn er flatt svæði á stærð við krónu u.þ.b. fimm sentimetra inn í leggöngunum, beint aftan við lífbeinið sem sagt því svæði legganganna sem er næst naflanum. Það er hægt að ná til hans með vísifingri. Ef að konan er ekki orðin örvuð getur verið mjög erfitt að finna blettinn, og ef þú finnur hann og konan er ekki örvuð gæti henni þótt mjög óþægilegt að átt sé við hann. Trikkið er að æsa konuna eins mikið og hægt er og fara síðan að eiga við G-blettinn. Besta leiðin er að sjálfsögðu að nota tunguna, en hvaða aðferð sem notuð er og örvar snípinn virkar. Hafið það hugfast að ég er bara að stikla á stóru, það er búið að skrifa mikið af bókum um þetta en ég hef bara takmarkað pláss, þannig að ég tek bara það allra mikilvægasta fyrir. Ég mæli að sjálfsögðu með góðum forleik áður en farið er að hefjast handa, að minnsta kosti hálftíma, klukkutíma eða lengur ef þið viljið (sem er mjög gott mál). Það er t.d. mjög gott að borða góðan kvöldmat saman og skella sér svo í sturtu og þvo hvort öðru. Í rauninni ætti fólk yfirleitt að fara saman í sturtu fyrir kynlíf því að við erum að eiga við líkamshluta sem að geta orðið mjög ógirnilegir (nema maður sé með klemmu á nefinu) á stuttum tíma, bara svona rétt yfir daginn hlandlykt orðið mjög sterk. Fyrir utan það er líka mjög gaman að baða sig með elskhuga sínum. Ef konan er orðin ánægð með undirbúningin og þið ætlið að fara að byrja er um að gera að vera afslappaður. Ef þú ert það illa farinn að þú fílir alveg að skella honum bara inn og snúa þér síðan á hina hliðina og fara svo að sofa, hættu þá að lesa og gleymdu bara öllu sem ég er búin að skrifa hér á undan þangað til að þú ert orðinn fullorðinn og búinn að uppgvötva hversu skemmtilegt kynlíf á að vera. Þegar þið eruð fullkomlega afslöppuð, farðu þá að örva snípinn varlega. Þú verður að vera rólegur því að snípurinn er oft mjög viðkvæmur og of mikið af því góða er alls ekki gott. Síðan fer það að sjálfsögðu algjörlega eftir konunni hvernig hún vill láta örva snípinn, sumar vilja að þú ráðist bara beint á hann, sumar að það þú einbeitir þér að annari hvorri hliðinni og sumar eru meira að segja svo viðkvæmar að þær vilja að þú haldir þig bara sem mest við hettuna og barmana. Sumum líkar hringlaga hreifingar, og öðrum líkar að láta sleikja hann upp og niður. Besta og fljótlegasta leiðin til að komast að hvað henni finnst best er að spyrja hana, og ef hún er ekki viss þá er bara að prófa sig áfram. Það er einmitt mjög gaman, að prófa sig áfram þannig að ekki verða óþolinmóður þó að það taki smá stund að komast að hvað sé best. Ég get alveg lofað ykkur því strákar mínir að ef þið sýnið þolinmæði og áhuga fyrir því hvað henni finnst gott þá er hún ykkar eins lengi og þið viljið. Eins og ég sagði er besta aðferðin að nota tunguna, en ef eigandi snípsins kann af einhverjum ástæðum illa við það, þá er bara að nota puttanan. Mér finnst best að notaðar séu mjúklegar og reglulegar strokur með smá hléum á milli. Þetta er eiginlega alveg eins og með tippin, þið viljið ekki allskonar óútreiknanlegar hreifingar út og suður eða að félaganum líði eins og hann sé fastur í skrúfstykki, þið viljið heldur ekki að hún hamist eins og vél á 5000 snúningum. Takið þessu bara rólega, ef eigandi snípsins vill meiri örvun þá takið þið eftir því þegar hún þrýstir sér fastar að ykkur, og ef hún vill að þú farir þér hægar dregur hún sig aftur. Ef þú ert að gera allt rétt þá situr hún bara kyrr og nýtur þjónustu þinnar. Taktu bara eftir því hvernig hún hagar sér. Þegar það kemur að því að fullnægja konu segir hún mun meira með hreyfingum sínum og háttalagi heldur en með orðum. Allt í lagi, segjum að þú sért kominn með strokurnar og rétta taktinn á hreint, segjum sjö, átta strokur og svo örstutt hlé með kossum og gælum og svo sjö, átta strokur og hlé. G-bletturinn er að sjálfsögðu inni í leggöngunum og þú verður að vita hvað er að ske þar inni ef þú ætlar að finna blettinn og gera eitthvað við hann. Settu nú tvo putta inn, rólega, annað er dónalegt og getur skemmt mikið fyrir þér. Jæja, vonandi eru leggöngin orðin vel blaut, en raunin er sú að konur eru eins misjafnar og þær eru margar, sumar framleiða meiri safa heldur en aðrar, ef þín framleiðir ekki mikið er nauðsynlegt að vera með bleytiefni við höndina. Ef þú hefur eytt miklum tíma í að æsa hana upp gætu jafnvel safaríkustu konur farið að þorna aðeins, þannig að þótt þín framleiði nóg getur samt verið gott að eiga bleytiefni. Ég mæli með því að fólk kaupi sér sérstök bleytiefni sem að fást í hjálpartækjabúðum, ekki nota vaselín það er alltof þykkt, annað sem þið ættuð ekki að nota er barna olía, hún er of þunn. Kaupið eitthvað sem er sérhannað til þessara nota. Þú getur leikið þér að því að láta fingurna leika um leggöngin, bara svona til að kanna lögun þeirra. Ef konan er ekki á barmi fullnægingar, ættirðu að finna að leggöngin leggjast vel utan um fingurna, en sumar eru þó þéttari en aðrar. Ef konan er ekki að fá fullnægingu eða að nota grindarbotnsvöðvann viljandi til að þrengja utan um þig, kemstu að því að leggöngin eru í rauninni ekki að gera neitt, þau eru bara þarna framleiðandi smurningu. Ef þú ferð nú með fingurna að efri vegg legganganna finnur þú að það svæði er ekki eins sveigjanlegt vegna þess að hinum megin við þetta svæði er lífbeinið, sem er hluti af mjaðmagrindinni. Ef þú þreifar eftir þessu svæði, stundum örlítið lengra, ættirðu að finna blett sem stendur örlítið hærra heldur en restin af svæðinu. Þetta er að sjálfsögðu G-bletturinn. Það gæti líka verið að bletturinn sé ekki hærri heldur en restin af svæðinu sem þú þreifar eftir, en hann lyftir sér þá þegar konan er orðin mjög örvuð. Ekki fara að nudda blettinn strax. Ekki gera neitt við hann, í besta lagi finnur konan ekkert fyrir því en í versta falli gæti henni fundist það mjög óþægilegt. Þú verður að bíða eftir því að hún fari að fá það, það gæti skeð eftir þrjátíu sekúndur eða það gæti tekið klukkutíma, en eins og sagt er: þolinmæði þrautir vinnur allar, reyndu bara að halda góðum takti og fara varlega. Þú veist þegar að hún fer að fá það ef: Hún segir þér það, stundum með orðum, stundum með mjög háværum stunum og hraðari andadrætti. Hún roðnar, andlitið á henni og hálsin og stundum alveg niður á brjóst. Legöngin fara að herpast reglulega saman um puttann á þér. Þú gætir séð þetta allt saman eða jafnvel ekkert af þessu. Ef þú missir af fullnægingu hennar (sem er mjög sjaldgæft), ekki hætta nema hún (eða þú) vilji það. Konur þurfa oftast ótrúlega skamman tíma til að jafna sig, sérstaklega þegar þær fá næga athygli, og eins og sagt er þá er betra að gefa en þiggja. Og munið raðfullnægingar eru engin goðsögn. Þegar að þú ert viss um að konan sé að fá það skaltu beina athyglinni frá snípnum og að G-blettnum. Haltu sama takti en þrýstu fastar, það er góð hugmynd að halda einhverri snertingu við snípinn, en alveg eins og með tippi getur snípurinn orðið það viðkvæmur að snerting getur beinlínis verið mjög óþægileg. Eins og með snípinn ættir þú að taka eftir því hvort hún ýtir sér að þér, dregur sig frá eða liggur á sínum stað og nýtur sín. Þú þarft líklega ekkert að vera að breyta hraðanum neitt, taktu bara eftir því hvað hún segir eða gefur í skyn með líkama sínum að hún vilji. Nú þegar að þú ert að fullnægja henni með því að örva G-blettinn sérðu að fullnægingin endist mun lengur heldur en vanalega. Þú gætir meira að segja lent í sjaldgæfri reynslu, konan gæti losað um vökva sem að G-bletturinn framleiðir, á ensku er þetta kallað female ejaculation en ég er ekki viss hvað þetta kallast á íslensku, ég hef persónulega aldrei getað þetta sjálf en ég veit um konur sem að hafa lent í þessu. Það eina sem ég get sagt ykkur er að þetta er ekki piss og það er alveg sjálfsagt að kyngja þessu, sérstaklega ef þið viljið að hún endurgjaldi það á sama hátt. Haltu áfram að örva G-blettinn. Þú ættir einhvern tíma að finna leggöngin draga sig frá puttunum á þér, þannig að það er nóg pláss þar inni, þegar þetta gerist er kominn tími til að hætta að örva G-blettinn, ekkert endilega vera að taka puttann út, og skipta aftur yfir að snípnum. Þegar þú finnur leggöngin aftur leggjast um fingurna á þér skaltu beina athygglinni aftur að G-blettnum. Ef þú heldur þessu áfram í dágóðan tíma (nema ef hún viljir að þú hætti, þá hættir þú, þetta er engin keppni) finnur þú að samdrættirnir breytast. Leggöngin þenjast ekki út jafn oft heldur liggja lengur þétt að fingrunum á þér og þú getur eytt meiri tíma á G-blettnum, samdrættirnir breytast líka að því leiti að það er ekki bara eins og leggöngin herðist um puttana á þér heldur er eins og þau reyni að ýta þér út, samdrátturinn byrjar djúpt inni í leggöngunum og færast niður eftir þeim. Þegar þetta er búið að ganga svona í smá tíma verða þessir samdrættir stanslaust, þetta gæti tekið marga klukkutíma, mikla þolinmæði og nokkrar tilraunir, þú getur haldið áfram eins lengi og hún vill, eða eins lengi og puttarnir og tungan í þér endast. Ef þið ætlið að reyna þetta er alveg öruggt að þið þurfið að kaupa bleytiefni, munið eftir því.